കർഷകനോടൊപ്പം..... ( ആറാം ഭാഗം )

ദിവസം - 104
തീയതി - ഫെബ്രു. 2 , 2014

      കൊയ്യ്ത്തിനെ വരവേല്‍ക്കുവാനായി പച്ചപുതപ്പു വകഞ്ഞു മാറ്റി, സ്വര്‍ണാഭരണ വിഭൂഷയായി പാടശേഖരങ്ങള്‍. ഈ സ്വര്‍ണപ്രഭയില്‍ മണ്ണും മനസ്സും ഒരുപോലെ തിളങ്ങി.

      പച്ചയില്‍ നിന്നും മഞ്ഞയിലേക്കും പിന്നീട് സ്വര്‍ണ നിറത്തിലേയ്ക്കുമാണ് നെല്‍ ചെടിയുടെ മാറ്റം. കൊയ്ത്തിനു തയ്യാറായി എന്നാണ് സ്വര്‍ണ നിറം സൂചിപ്പിക്കുന്നത്.

      വരുന്ന ആഴ്ച്ചയോടെ കൊയ്ത്തുപണികള്‍ ആരംഭിക്കുവാന്‍ ഗ്രാമത്തിലെ കര്‍ഷകര്‍ തീരുമാനിച്ചു. അതിനായി കടപ്ലാമറ്റം കൃഷി ഭവന്‍ മുഖാന്തരം ജില്ലാപഞ്ചായത്തു വഴി കൊയ്ത്തു-മെതി യന്ത്രം മുന്‍കൂട്ടി ഇടപാടു ചെയ്തു. അന്‍പതേക്കറോളം പാടങ്ങളാണു കൊയ്യാന്‍ തയ്യാറായി നില്‍ക്കുന്നത്.

      വിളവെടുപ്പ് ഉത്സവത്തിനു സാക്ഷ്യം വഹിക്കുവാനായി ഗ്രാമത്തോടൊപ്പം ഞാനും തയ്യാറായി......